Urkullu Lehendakari

ETBk Nafarroan berriro emititzea eskatu dute EAJ-PNVk eta EH Bilduk Eusko Legebiltzarrean

EAJren eta EH Bilduren legebiltzar-taldeek legez besteko proposamen bateratua aurkeztu dute Eusko Legebiltzarrean, ETBk Nafarroan berehala berriro emititzea eskatzeko.

EAJ-PNVk eta EH Bilduk Hasier Arraiz babestu dute

Joseba Egibar eta Peio Urizar bi alderdietako ordezkariek Hasier Arraiz Sortuko presidentearen eta EH Bildu legebiltzarkidearen aldeko adierazpena irakurri dute Legebiltzarrean; izan ere, maiatzaren 9an haren aurkako epaiketa hasiko da ustezko ETAko kidea izatea leporatuta. “Desadostasun politikoak, beti zilegiak, alde batera utzita, berak bake eta bizikidetza demokratikoaren alde egin eta egiten duen lana ezagutzen dugu, eta hala aitortu nahi dugu publikoki”.

EAJ-PNVk EH Bilduren demagogia eta zorroztasun falta salatu ditu, aurkeztu duen Pentsioen Legeak Euskadiko eskumenak gainditzen dituelako eta segurtasun finantzariorik eta juridikorik ez duelako

Josune Gorospe legebiltzarkideak koalizioari gogoratu dio Eusko Jaurlaritzak urteak daramatzala jubilazio-pentsioak osatzen, Dirusarrerak Bermatzeko Errentaren bidez. Gorospek Gizarte Segurantzaren kudeaketa ekonomikoaren transferentzia eskatu dio Madrili, pentsioen etorkizuna bermatze aldera.

EAJ-PNVk EH Bildu, PSE, PP eta UPyD alderdiei proposatu die ostiralean bertan alde biko bilerak egitea Estatus Berrirako oinarriak ezartzen saiatzea helburu

Ortuzar izango da “ahalik eta akordiorik zabalena” bilatuko duen ordezkaritza jeltzaleko buruak, akordio hori izan dadin oraingo legegintzaldian Autogobernu Lantaldearen lana burutzeko eta hurrengo legegintzaldira begirako “adostasunerako abiapuntua”

Arabako EHU/UPVren errektoreordetzaren aurkako erasoak gaitzetsi ditu EAJ-PNVk

EAJ-PNVko legebiltzar-taldeak gaitzetsi egin ditu gaur gauean Arabako kanpusean izandako erasoak; izan ere, talde ezezagunak errektoreordetzaren kontra erasoa egin du. “Bortizkeria ez da inoiz aldarrikapenerako bidea izango eta, gainera, bortizkeriak legitimitatea kentzen die eragileen ideiei”, esan du Jone Berriozabal legebiltzarkideak.

Aiartza: “Eremu legala definitzeko aukera eta ikusgarritasun handiagoa emango dizkio Legeak Euskadiko Hirugarren gizarte-sektoreari”

Jon Aiartza Legebiltzarkide jeltzaleak nabarmendu egin du Legeak erabat aitortuko duela entitate hauek gizarteari egiten dioten ekarpena. “Funtsezko eragileak dira gizarte bateratua eta bidezkoa egiteko; eta horrela aitortzen zaie”.

Telleria: “Epaileek eta Espainiako Gobernuak cannabisaren kontsumoaren erregularizazioan aurrera egin behar dute”

Cannabisaren klubek egiten duten lana defendatu du EAJ-PNVk, osasunerako kaltegarria den sustantzia horren kontsumo arduratsuan eta ordenatuan. “Elkarte horiek eredua izan daitezke kudeaketa eta autoerregulario on baterako”.

PSEren Etxebizitza Legeak ekarriko dituen murrizketez ohartu egin du berriro EAJ-PNVk

Norberto Aldaiturriaga legebiltzarkideak gogoratu du egungo etxebizitza-laguntzaren hartzaileak –Etxebizitza Legeak oinarritzen dituen baldintzak bete ezean- laguntza horiek jasotzeko arriskuan egongo direla. Jeltzaleek legedia aldatzea eskatu dute “arazo sozial hori” saihesteko.

UCIk antolatutako Women World Tour zirkuitu berrian Emakumeen Bira berriro onartzea eskatu du EAJ-PNVk

Peio Iparragirre Legebiltzarkide jeltzaleak EiTBko zuzendaritzaren konpromisoa nabarmendu du emakumezkoen kirola babestean, eta, kasu honetan, Emakumeen Bira euskal txirrindularitza emakumezkoen proba.

Jone Berriozabal: “Espainiar Gobernuak gure autogobernua murrizten du hezkuntza bekak errekurrituz”

Hezkuntza Ministerioak errekurritu egin ditu azken bi beka-deialdiak, orokorrak eta unibertsitatekoak. Berriozabalen esanetan “bermatzaileagoak dira eta ikasle gehiago laguntzen dituzte, eta horregatik errekurritu dituzte”.

EAJ-PNVk ahalegin handia egingo du Autogobernu Ponentzian gutxieneko akordioa lortzeko

Legebiltzar-taldeek aldebiko kontaktuekin jarraituko dute “gai guztiak aztertzeko akordioari begira”. Lantaldea berriro bilduko da bi taldek edo gehiagok kontsentsuko proposamena dutenean.