Idazkian, Atutxa, Knörr eta Bilbaoren defentsak gogoratu egiten du kausa amaitutzat jotzea eskatu zuela, eginbideei jarraipena ematean  “legebiltzarkideen ukiezintasuna“ urratzen duela gogoratuz. Testuan, Salak  ukiezintasun eskubidearen muina osatzen duten bozketa eta iritzietatik eratorritako ekintzak epaitzeko, jurisdikziorik ez duela esaten jarraitzen du eta, beraz, largespen askea eskatzen du  ekintzak  delitutzat  hartzen ez direlako.

Testuan eta defentsako abokatuek eskatu bezala, Zuzenbide Konstituzionaleko hiru katedradunen ebazpenak eskaintzen dira. Hauetan,  ekintzak aztertzen dira eta  ematen diren ondorioak  “zehatzak eta sendoak“ dira abokatuen iritziz eta  “gainerako frogekin batera, largespen eskarirako oinarritzat  har daitezke”.

Txostenetan, hiru katedradunek adierazten dutenez, ezinezkoa da Auzitegi Gorenak agindu bezala SA legebiltzar taldea desegitea Euskal Legebiltzarraren araudia urratu gabe, eta ikertutako ekintzak ezin dira desobeditze delitutzat  hartu.