Next Euskadi
Aberri Eguna 2024

Prentsa Aretoa

2022/12/22

EAJ-PNVk babes sozialaren euskal eredua indartzeko adostasuna ospatu du Legebiltzarrean

Eusko Legebiltzarrak Diru-sarrerak Bermatzeko eta Gizarteratzeko Euskal Sistemaren Legea onartu du gaur. “Herrialde hobea izango gara, pobreziaren kausak aztertzen eta gaizki pasatzen duten pertsonak tratatzen dakigun neurrian. Gure babes soziala sendoa da, baina eguneratu beharra zegoen bizitza duina izateko ekintza publikoa behar duten pertsona guztiengana iristeko”, esan du Jon Aiartzak

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Eusko Legebiltzarrak Diru-sarrerak Bermatzeko eta Gizarteratzeko Euskal Sistemaren Legea onartu du gaur, EAJ-PNV, PSE-EE eta Elkarrekin Podemos-IU alderdien botoekin. Arau horren bidez, pertsona eta kolektibo ahulenei ematen zaien erantzun instituzionala hobetu, eguneratu eta arindu nahi da. Bi aldeetatik, Jon Aiartza legebiltzarkideak adierazi duenez; familiek oinarrizko bizitza-premiak bete ahal izateko prestazio ekonomikoak eta Lanbidek, Euskal Enplegu Zerbitzuak, sustatzen duen gizarteratzea eta laneratzea.

Bere defentsan, Aiartzak balio handia eman dio Euskadi eta bere erakundeak 80ko hamarkadaz geroztik egiten ari diren lanari, milaka pertsonari ahalik eta bizimodu duinena egiten laguntzeko. Babes-sistema hori sendoa eta indartsua dela esan du, eta gaur oso emaitza onekin aurkezten da. Hala, Espainiako Estatuan pobreziaren eta gizarte-bazterkeriaren aurka borrokatzeko Europako Sareak argitaratutako azken datuen arabera, Euskadiko pobrezia-arriskuaren tasa Estatuko batez bestekoa baino hamabi puntu txikiagoa da. %16, %27,8 batez bestekoarekin alderatuz. Gaineratu duenez, “datu hori ez da ezerezetik lortzen. Herri solidarioa izanik lortzen da, hala gara, eta kohesio eta integrazio sozialeko politika argiak dituzten gobernuak edukita”. Horrela eskertu nahi izan du herritarren elkartasunaren eta ahalegin ekonomikoaren adibidea, horrek ahalbidetzen baitu Euskadik modu eraginkorrean erantzutea marjinaltasun-egoera desberdinei. “Herritar horiek ere merezi dute, halaber, beren ahaleginak sistema eraginkor, ondo kudeatu eta bere helburuak beteko dituen batekin saritzea: prestazioen bidez hobeto babestea eta enplegu duina eta kalitatezkoa lortzea bultzatzea”. Eta eskerrak ere eman nahi dizkiegu euskal erakunde guztiei, “pobreziari aurre egiteari ez diotelako inoiz utzi, eta erantzun arauemailea ematen jarraitu dutelako, egunetik egunera Herri bidezkoagoa, solidarioagoa eta berdintasunezkoagoa izan gaitezen”. Eztabaidan eskaini dituen zifren arabera, Euskadiko erakundeek Estatuan inbertitzen den diru guztiaren %40 bideratzen dute gutxieneko errenten kontzeptura, gure biztanleria guztizkoaren %5 ere ez denean. Aiartzak esan duenez, arau berri honi esker, babes-politikak gidatzen jarraituko dugu, eta Europako gizarte-politiken abangoardian jarraituko dugu.

Legean egindako aldaketak azken urteetan izandako osasun eta ekonomia krisien ondorioz sortutako errealitate eta behar berrien ondorio dira. Krisi horien eraginaren ondorioz, kolektibo berriak sortu dira, eta horiek ere erantzun publiko eraginkorra, arina eta malgua behar dute. Arauaren helburu diren aurpegi berri horiek honako hauek dira: emakumeen aurpegiak (bananduak, genero-indarkeriaren, sexu-salerosketaren eta sexu-esplotazioaren biktimak), adingabeak, desgaitasuna duten pertsonak, terrorismoaren biktimak, pentsiodunak eta errefuxiatuak. Horiei guztiei zuzentzen zaie arau hau. “Ezin dugu eta ez dugu bizi behar pobreziari bizkarra emanda. Ezin dugu baztertu pairatzen duen pertsona. Herrialde hobea izango gara, horren zergatiak aztertzen eta gaizki pasatzen duten pertsonak tratatzen jakiten dugun neurrian”.

Legebiltzarkide jeltzaleak pozik hartu du legea onartzeko negoziazioen tonu “lasaia eta ernegaziotik urrun”, beste batzuetan gai honen inguruan izan den tentsiotik ihesi. “Zalantzan jarri nuen Eusko Jaurlaritzak egindako lan onaren mailan egoteko gai izango ginen. Oso lan serioa, mediatikoa ez den ingurune batean, entzute lan handikoa… Listoia altua genuen, baina gaur esan dezakegu Legebiltzar honek ere lortu duela”, amaitu du.

Next Euskadi
Eusko Legebiltzarrerako 2020ko hauteskundeetarako EGITASMOA