Next Euskadi
Aberri Eguna 2024

Prentsa Aretoa

2021/11/11

EAJ-PNVk Euneizen sorrera babestu du, Euskadin izango duen “trakzio-efektuagatik”

Gorka Alvarez legebiltzarkideak esan duenez, unibertsitate hau erreferente bihurtuko da osasunaren eta kirolaren arloetan. "Haren garapenak nazioarteko talentua sortzen eta gure lehiatzeko gaitasuna hobetzen lagunduko du"

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Baskonia-Alaves taldeak bultzatutako Euneiz Unibertsitatea errealitate bihurtzeko urrats bat gertuago dago gaur, Eusko Legebiltzarrak legea onartzeko onartu duen osoko bilkuran. Gorka Alvarez legebiltzarkide jeltzaleak Gasteizen kirolarekin, osasunarekin eta teknologia berriekin lotutako campus bat ezartzeak izango dituen ondorio positiboak azpimarratu ditu, eta bi unibertsitate ereduri aurka ez egitea eskatu du, publikoa eta pribatua, elkarren osagarri izan behar baitira. "Euskadin beste erreferente bat izango dugu prestakuntzari, talentuari, nazioartekotzeari eta I+G+Bri dagokienez. Arlo horiek guztiak potentzial handikoak dira, eta kirolaren, osasunaren eta teknologia berrien esparruari lotuta daude. Horiek guztiak funtsezkoak dira gizarte aurreratu eta moderno bat eraikitzeko, Euskadin lortu nahi duguna bezalakoa, eta Araban, eta zehazkiago Gasteizen, erreferentziazko lekua izango dute gero eta pertsona eta profesional gehiago garatzeko eta prestatzeko, nazioarteko talentua sortzeko eta garatzeko eta gure lehia-gaitasuna hobetzeko".

Proiektu positiboa eta garapenerako "eragilea" izateaz gain, Alvarezek uste du unibertsitate publikoaren osagarria izango dela, hezkuntza berrikuntzan, ezagutzan eta ikerketan balioa emango diolako. "Unibertsitate pribatuak euskal unibertsitate sistemaren barruan lekua izan dezakeela uste dugu. Osagarriak dira eta, gainera, guztiek helburu komun bat bilatzen dute: etorkizuneko belaunaldiak ahalik eta ondoen prestatzea". EAJ-PNVko ordezkariak Unibertsitate honen aurka daudenei eskatu die ez dezatela ereduen arteko liskarrik bilatu eta guztien arteko lankidetza eta elkarlana babestu dezatela. "Euneizen etorreran etorkizuneko erronkei gaitasun handiagoz erantzuteko gai izango den osagarritasun- eta lankidetza-eredu baten alde lan egiteko aukera ikustea eskatzen diegu. Lan egin dezagun harremanak sendotzeko, unibertsitate guztiak guztion onerako baitira".

Legeak jeltzaleek eta sozialistek aurkeztutako zuzenketa guztiak jasotzen ditu, Estatuko araudira egokitzen direla bermatzeko. Izan ere, legea legebiltzarrean izapidetzen ari zela, Unibertsitateen Estatuko araua aldatu egin zen, eta horrek beharrezko egokitzapenak egitera behartu zuen, berme juridiko eta legal guztiak emateko eta gaur egun indarrean dagoen araudiarekin talka egitea saihesteko. Hemendik aurrera, Euneizek bete beharko ditu une horretan aplikatzekoa den araudiak jasotzen dituen baldintza guztiak.

Next Euskadi
Eusko Legebiltzarrerako 2020ko hauteskundeetarako EGITASMOA