Uztailaren 1ean Beasaingo Batzokian ospatu den ekitaldi politikoan EAJ-PNVko GBBko lehendakaria eta Eusko Legebiltzarreko  bozeramalea den Joseba Egibarrek egun indarrean dagoen esparru juridikoa (lege eta konstituzioa) euskal arazoaren ebazpenerako ezgai eta eznahiko agertu dela esan du. Gobernu espainoleko lehendakariorde eta bozeramale den Mª Teresa Fernández de la Vegaren , “las decisiones adoptadas en el proceso serán dentro de la ley y la Constitución” adierazpenei erantzunez Egibarrek,  gaur, Euskal Herrikoa bezalako errealitate nazionalek erabakitzeko gaitasun osodun subjektu  politikoak izaten ahalbidetuko zukeen gobernu ezberdinek erakutsi duten demokrazian sakontzeko borondate polítiko faltagatik eredu horrek porrot egin duela agertu du. 

Felipe Gonzalezek 1982an Anoetan eta duela bi egun Rodríguez Zapaterok esandakoak antz handia dutela gehitu du. 25 urte pasa direla eta alderdi sozialistak gatazka politikoa konpontzeko ez bokaziorik ez eta erabakirik ez duela dugu ezberdintasuna eta oraingoan Batasunaren erreakzioa erabat ezberdina izan da . 

Rodríguez Zapatero jaunak bere adierazpen instituzionalean, Euskadiren etorkizunari buruzko oinarrizko abiaburuak ezartzen ditu. Baina, Zapatero  jaunaren  iritzi eta  irizpide politikoak  euskal herritarrok aske eta demokratikoki  agertutako borondatearen gainetik al daude? Beste modu batean esanda, Euskal gizartearen borondate eta erabakiak Rodríguez Zapateroren erabaki eta interes politikoen pean egon behar al dute? Nolako hierarkia demokratikoa da hau? 

Rodríguez Zapatero jaunak Bai edo Ez batez erantzun behar du hurrengo galdera. “Luzea, gogorra eta zaila” izango den bake  eta normalizazio prozesu honen garapenaren ondoren, aditzen edo onartzen al duzu Euskal  Herria subjektu politiko berri baten aitorpena sortzearen aukera eta ondorioz bere etorkizuna erabakitzeko aukera? Erantzuna Bai bada normalizazio politikoan izugarrizko pausoa emango dugu, aldiz erantzuna Ez bada, Gobernuko presidenteak esandakoa,  gu eroriko ez garen berritsukeria hutsa eta lokartzeko era politiko  bat besterik ez da. Antzeko hitzak erabili zituen Felipe Gonzalezek 1982an Anoetako Belodromoan.