Irailaren 27ko goizean Nagorno-Karabajen defentsa-armada eta Azerbaijanen indar armatuak banatzen dituen harreman-lerroa deiturikoan hasitako eraso armatuen aurrean, Stepanakert hiriburura hedatutako erasoaldia eta armeniar gehiengoko enklabe honetako armadak erreplikatuta, Euzko Abertzaleak legebiltzar taldeak PSE-EE, EH Bildu eta Elkarrekin Podemos taldeekin batera gaitzesteko adierazpena adostu du Eusko Legebiltzarrean.

Adostutako testuak ondorengo adierazpenak egiten ditu Europako ekialde urrunean indarkeriaren gorakadak ekar litzakeen mehatxuen aurrean:

1. Eusko Legebiltzarraren 2016ko apirileko adierazpen instituzionala gogorarazten du, eta bere horretan berresten du.
2. Doluminak ematen dizkie biktima zibil eta militarren senideei, eta Euskal Herria Armenioarekin lotzen duten adiskidetasun-lotura sakonak errepikatzen ditu.
3. Uko egiten dio indar armatuei egungo statu-quo ezegonkorra bortxatzeko baliabidea erabiltzeari, eta nazioarteko erakundeek eta giza eskubideen aldeko erakundeek liskarrak eteteko eta Armenia eta Azerbaijan negoziazio-mahaira itzultzeko egindako deiari erantzuten dio, nazioarteko komunitatearen babespean.
4. ESLA-k (Europako Segurtasun eta Lankidetzarako Antolakundea), batez ere Minsk taldeak (Frantzia, Errusia eta AEB buru dituen elkartea), su-eten iraunkorra lortzeko eta aldeek onartutako irtenbide bideragarriak formulatzeko duen parte-hartzearen funtsezko garrantzia errepikatzen du.
5. Berresten du auzi historiko konplexu eta enkistatu horren irtenbide bideragarri eta iraunkor bakarra elkarrizketa zintzotik eta negoziazio eraikitzailetik sortuko dela, eta Nagorno-Karabajeko edo Artsakheko Errepublikako herritarren gehiengoaren borondatean oinarrituta egon beharko duela.