Next Euskadi

Prentsa Aretoa

2020/10/02

Ana Ruiz de Alegriak ordezkatuko du Jone Berriozabal EAJ-PNVko legebiltzarkidea Eusko Legebiltzarrean

Berriozabalek aulkia utzi eta Olatz Garamendik zuzentzen duen Gobernantza Publiko eta Autogobernu Sailean sartu da, Erakunde Harremanetarako sailburuorde gisa

rss Ezagutzera eman
Ana Ruiz de Alegriak ordezkatuko du Jone Berriozabal EAJ-PNVko legebiltzarkidea Eusko Legebiltzarrean

ARGAZKIA JAITSI

Ana Ruiz de Alegriak, uztaileko hauteskunde autonomikoetarako Arabako zerrendetako hamargarrenak, Jone Berriozabal ordezkatuko du Eusko Legebiltzarrean, Gobernantza Publiko eta autogobernuko sailburuorde izendatu berria. Berriozabalek diputatu aktari uko egin dio gaur goizean Eusko Legebiltzarrean, eta datozen egunetan Ruiz de Alegriak hartuko du bere eserlekua. Berriozabal Arabako legebiltzarkidea izan da 2008tik, eta, besteak beste, Hezkuntza Batzordeko bozeramailea eta Autogobernu Lantaldearen koordinatzailea izan da. Araba Buru Batzarreko burukidea da. Astearte honetan Olatz Garamendik zuzentzen duen Gobernantza Saileko Erakunde Harremanetarako Sailburuorde izendatu zuten.

Haren ordezkoa Gasteizen jaio zen, 1966an; Ana Ruiz de Alegria Donemiliagako Udaleko zinegotzia da gaur egun, eta Adanako Administrazio Batzarreko presidentea, familiako nekazaritza-ustiategi baten kudeaketarekin batera. Geografian eta Historian lizentziaduna da eta bibliotekonomia, dokumentazio eta artxibistikan masterra du. Eusko Legebiltzarrera iristeak erantzukizun eta harrotasun handiz egingo dio aurre. "Iñigo Urkulluren lidergoari esker, gizarteak aurrera egiten eta hazten jarraituko du", Ruiz de Alegriak esan duenez, "Euskadiren interesak eta defentsa" izango dira bere motorrak etapa profesional berri honetan.