Next Euskadi

Prentsa Aretoa

2020/01/31

Mikel Legarda Legebiltzarrean agertu da autogobernua eguneratzeko proposamena azaltzeko

Proposamen bideragarria eta adostasunezkoa aurkezteko Legardak egindako lana eskertu dute jeltzaleek, eta akordioak zabaltzeko 'sakonean lan egingo' dutela adierazi dute

rss Ezagutzera eman
Mikel Legarda Legebiltzarrean agertu da autogobernua eguneratzeko proposamena azaltzeko

ARGAZKIA JAITSI

Mikel Legarda legelari eta diputatu jeltzaleak agerraldia egin du gaur goizean Autogobernuaren lantaldean, Estatutuaren erreformari eta eguneratzeari buruzko bere proposamena azaltzeko. Legardak, PSE-EEk eta Elkarrekin Podemosek proposatutako adituekin batera, Estatus Berriaren dokumentu "tronkala" sinatu zuen, baina hainbat boto partikularrekin batera doa, eta hor islatzen dira dauden aldeak.

Orain, legelarien agerraldien ondoren, lantaldeak lan-fase berri bati ekingo dio, eta EAJ-PNVk ahalik eta akordiorik zabalena lortzeko borondate onenarekin ekingo dio; ibilbide eta bideragarritasun handiko akordioa. Une horretatik aurrera, lantaldean aurkeztutako dokumentu guztiak aztertu beharko dituzte taldeek, eta estatus berriaren proposamena idatzi, Legebiltzarrean izapidetzeko. Jeltzaleek eskerrak eman dizkiote Legardari adostasunak lortzeko hartutako konpromisoagatik eta egindako lanagatik, eta esan dute sakonean inplikatuko direla Euskadiren errealitate nazionala aitortzea eta Estatuaren nazio-aniztasuna onartzea ekarriko duen akordio bat zabaltzeko eta indartzeko.

Next Euskadi
Eusko Legebiltzarrerako 2016ko hauteskundeetarako EGITASMOA