HARREMANETARAKO
WWW.EAJ-PNV.EUS
Berriak
Eusko Legebiltzarra
2018/10/20
Ottawara joan da Iñigo Iturrate, Nazio Batuen populazioari eta garapenari buruzko Nazioarteko Konferentziara
Legebiltzarkide jeltzalea Populazioa, Garapena eta Ugalketa Osasunari buruzko euskal Taldeartekoaren izenean joan da. Iturratek funtsezko deritzo horrelako nazioarteko foroetan egotea, “esperientziak partekatzeko, ikasteko eta garapen justu eta iraunkorrarekin dugun konpromisoa indartzeko”
Eusko Legebiltzarra
2018/10/18
Leixuri Arrizabalaga: “Benetako berdintasuna emakume pentsiodunentzat ere iritsi behar da”
Legebiltzarkide jeltzaleak salatu duenez, “emakumeek pairatzen duten diskriminazioaren beste adierazpen bat dira pentsioak”, eta “benetako diagnostiko bat” izateko beharra defendatu du, emakume horiek bizi-baldintzak hobetzeko. Eusko Legebiltzarrak ebazpen bat onartu du gaur, talde guztien babesaz, Gobernuari eskatzeko kolektibo horren premien plan integrala egin dezala
Eusko Legebiltzarra
2018/10/11
Poliziaren gehiegikeriari buruzko Legea erreformatzea bultzatu dute EAJ-PNVk eta PSE-EEk Eusko Legebiltzarrean
Testuak blindatu egiten du biktimen erreparazioa, eta zenbait aldaketa dakartza, Eusko Jaurlaritzaren eta espainiar Gobernuaren artean adostutakoak. Horrela, azken horrek arauaren aurkako konstituzio-aurkakotasuneko errekurtsoa erretiratuko du. “Aldaketa oso puntualak dira, eta ez dute Legearen funtsa aldatzen: injustuki ahaztutako biktimak aitortzea eta erreparatzea. Sendotu egingo ditugu Legearen izaera asistentziala eta haren berme juridikoak”
Eusko Legebiltzarra
2018/10/11
Luis Javier Telleria: “Navalentzako konponbidea Europako Batasunaren araudiaren baitan bilatu beharra dago”
EAJ-PNVk aldarrikatu du elkarlanean jardun beharra dagoela ontziolak martxan jarrai dezan. “Demagogia alde batera utzita, legeak ezarritakoarekin ados eta parte hartze publikoa ahalbidetuko duen inbestitzaile pribatua bilatzeko lana lehenetsiz. Hori da Eusko Jaurlaritza azken bi urteotan buru belarri lantzen ari den bidea”, esan du Telleriak
Eusko Legebiltzarra
2018/10/10
EAJ-PNVk babestu egiten ditu Osasun Sailak eta Osakidetzak 2016-2017 LEPrako iragarritako neurriak, eta ziur dago sistema indartuta irtengo dela
Kerman Orbegozo legebiltzarkide jeltzaleak uste du Osasun sailburuak planteatutako Lan Eskaintza Publikorako berrikusketa integralak are gehiago indartuko duela prozesu horien gardentasuna eta segurtasuna
Eusko Legebiltzarra
2018/10/07
Iñigo Iturrate eta Ana Oregik Kataluniako prozesuan espetxeratutako buruzagiak bisitatuko dituzte, eta aske uztea eskatuko dute
Eusko Legebiltzarraren agindua betez, Ganberaren ordezkaritza bat Kataluniara joango da astelehenean, preso dauden pertsonen egoera eta oinarrizko eskubideekiko errespetua egiaztatzeko. “Askatasuna badaezpada kentzea neurri desproportzionatua da, erabat injustua, eta berehala bertan behera utzi beharra dago”
Eusko Legebiltzarra
2018/10/04
Jone Berriozabal: “Sentsibilitatea daukagu ekitate- eta inklusio-eskariarekin. Hezkuntza Legeak sistemaren erronka horri eta beste batzuei erantzungo die”
EAJ-PNVk baztertu egin du hezkuntza sistemaren kohesio handiagorako Herri Ekimen Legegilearen tramitazioa, uste baitu eskari hori jasota geratuko dela sistema osoa birformulatuko duen legean. Hezkuntza Sailak lege horretan lanean dihardu. “Bat gatoz, eta Eusko Jaurlaritza ere bat dator, hezkuntza sistemaren oinarri nagusietako bat ekitatea izan behar dela. Sustatzaileekin bat gatoz helburuan, baina ez aukeratu duten tresnan. Uste dugu egokiagoa dela lege integral baten alde egitea”
Eusko Legebiltzarra
2018/09/27
Aitor Urrutia: “Aktibo nagusitzat langileak dituen enpresa eredu berri baterako oinarriak jartzen ari gara Euskadin”
Ganberako bost taldeek bat egin dute ekimen batean, enpresa eredu inklusibo-partehartzailearen aldekoa, zeinak langileak kontuan izango baitituen erabakiak hartzeko. Esparru hori lau printzipio handitan oinarrituko da: kooperazio-kultura eta pertsonekiko kezka, langileen partehartzea enpresen kudeaketan eta emaitzan, hazkunde iraunkorrerako estrategiak, eta komunitatearen premiak artatzea
Eusko Legebiltzarra
2018/09/20
Joseba Egibar: “Harreman-eredu berria behar dugu Estatuarekin, euskal herritarren erabakiak errespetatuko dituena”
Joseba Egibar EAJ-PNVren Legebiltzarreko bozeramaileak, Iñigo Urkullu Lehendakariak Eusko Legebiltzarreko Politika Orokorreko Bilkuran egindako hitzaldiaren ondoren, balioan jarri du Lehendakariak egindako zehaztasun-ariketa, xehetu egin baititu bai Euskadik datozen bi urteotan izango dituen erronkak, bai horiei erantzuteko abian jarriko diren tresnak
Eusko Legebiltzarra
2018/09/14
Eremu guztietan akordioak lortzeko asmoz ekin dio EAJ-PNVk Eusko Legebiltzarreko kurtso politiko berriari
Euskadiko eta Estatuko egungo egoera politikoari buruz EBBk duen ikuspegia helarazi die gaur Andoni Ortuzarrek legebiltzarkideei. Iñigo Urkullu Lehendakariak, berriz, Politika Orokorreko Bilkurako hitzaldiaren ardatz nagusiak aurreratu dizkie
Eusko Legebiltzarra
2018/09/12
Autogobernu Ponentziak juristen esku utzi du Estatus Berrirako adostutako oinarriak garatzea eta adostasunak zabaltzeko aukerak aztertzea
Autogobernua eguneratzeko Ponentziak aditu-taldearen esku utzi du Euskadirako Estatus Politiko Berrirako testu artikulatua idazteko lana. Horretarako, EAJ-PNVk eta EH Bilduk adostutako oinarri eta printzipioetan oinarrituko dira, eta baita ere Elkarrekin Podemosen puntuetako batean, eta orain arteko adostasunak zabaltzen saiatuko dira
Eusko Legebiltzarra
2018/09/07
EAJ-PNVk Mikel Legarda izendatu du Estatus Politiko Berriaren testu artikulatua idatziko duen aditu-talderako
Prestigio handiko jurista, Konstituzio Zuzenbideko aditua da Legarda. Ibilbide luzea du euskal autogobernuaren garapenari eta defentsari lotuta
