Testuinguru horretan bozeramaile jeltzaleak esan du “EAJ-PNVk erreibindikazio bakarra egin behar diola ETAri, indarkeria behin betiko uzten duela adierazi dezala; eta utzi dezala eragile politikoen eskuetan, alderdi politikoen eskuetan, arazo politiko bati esparru politikoan irtenbidea ematearena”.

Dena dela, eta itxaropena eragiten duen elementu moduan, azaldu du esan daitekeela “ETAk ezin duela atzera egin”. Baina hitz egiten jarraitu duenean esan du kontraesan itzela dagoela “alde batetik ETAk alderdi politikoen eskuetan uzten duelako prozesuari ekiteko aukera hori eta, aldi berean, horiek bete behar dituzten baldintza politikoak ezartzen jarraitzen duelako”.

Iñigo Urkulluk, bukatzeko, esan du “ona litzatekeela, ETAren bazter guztiak nahastearen politika horri dagokionez, ezker abertzalea ere sendo azaltzea eta adieraztea balioa duten bide bakarrak politikoak direla”.