Onartutako testuan “Eusko Jaurlaritzari, Lehendakariari eta alderdi politiko guztiei , bake eta normalizazio politikorako eragile beharrezko direnez, euskal gizartearen anitztasuna ordezkatzen duten alderdi politiko guztiekin  elkarrizketa iraunkor eta bazterketarik gabea bultzatzea” eskatzen zaie.

 

Joseba Egibar, EAJko legebiltzar bozeramaileak, azpimarratu du bakea eta normalizazioa lortzeko alderdi politiko guztiak direla beharrezkoak. Bere hitzetan, eta esker abertzaleari dagokionez “ezin da herri honetako zati garrantzitsu bat ukatu” , eta jarraitu du esanaz ezker abertzaleak  zilegitasun osoa duela “hiritarren zati bat ordezkatzen duelako, PPk bezela”. Eta gogoratu du Batasuna legez kanpo baldin badago “PPk eta PSOEk hala erabaki zutelako” dela.

 

Egibarrek, interbezio osoa euskeraz egin duenak, azpimarratu du, PP-k iraganeko estrategiekin jarraitzen duela. Puntu honetan tarte bat hartu du José Blancoren adierazpenen aipamena egiteko, zeintzuetan zioen EAJ berriz ere “arrazionaltasun politikoaren bidera etortzen hasia dela” eta “Ibarretxe Plana dagoeneko historia dela”.  Horri erantzunez Egibarrek esan du “PSOEk  jakin dezala Proposamena bizirik dagoela”  eta aurrera begira gatazka konpontzeko “zumeak bertan daudela”.

 

Onartu den testua  PPren interpelazio baten ondoren sorturiko mozio bati EAJ, EA, EB eta Aralarrek aurkeztutako osoko emendakin bat da. Jatorrizko mozioan PPk “Lehendakaria buru duen Eusko Jaurlaritzari” eskatzen zion “ekintza politikoa ETA-Batasuna-ren porrota lortzera konprometitu dezatela, interlokuzio politikorako zilegitasuna ekidituz”.