Bilbaok bere elkartasuna erakutsi die “Bermeoko herriari, Lekeitiokoari eta Kantauri itsasoan arazo hori jasaten ari diren herri guztiei, zeren arazoa ez baita ontziak portuan geratzea eta arrainik ez harrapatzea; arazoa da horren guztiaren atzean herri bat dagoela, portuan lan egiten duen jendea, kontserba-fabriketan lan egiten duen jendea, arazo hori gertutik sufritzen duena".

Izaskun Bilbaok, aurreko legegintzaldian Nekazaritza eta Arrantza batzordearen lehendakaria izan zenak, gogorarazi du Ganberak proposamena planteatu zuela Arcachongo akordioaren gainean. Proposamen horrek salatzen zuenez, akordioak ez dio "euskal sektoreari, ezta Kantauri itsasoko sektore osoari ere inolako onurarik ekartzen”.