Bilbaok Donostian egin ditu adierazpen horiek, ‘Zabalik’ deritzon zerbitzuaren funtzionamenduari buruz eman duen hitzaldian. Zerbitzu horrek Legebiltzarreko jarduerak intereseko gaien arabera jarraitzeko eta eztabaida politikoan talde politikoei galderak eginez esku hartzeko aukera ematen dio erabiltzaileari.

Izaskun Bilbaok hitzaldian adierazi duenez, “Legebiltzarrak herritarren borondateak ordezkaritza osoa duen bilgunea izan behar du, eta foro horretan  hiritarrek izan behar dute nagusi. Legebiltzarra ireki egin behar da, eta behar-beharrezko diren gardentasunari eta hiritarren partaidetzari dagozkien baldintza guztiak bete".