Rubalkabak azaldu nahi izan du bere alderdiak EBri bi legebiltzarkide ematen badizkio, azken honek talde propioa eratu ahal izateko aukera izango duela, izan ere, momentu honetan hiru legebiltzarkide baino ez baititu. Modu berean, Aralar taldeari ere talde propioa izateko aukera ematen zaio. Ekimen hau EA-k babestu beharko luke Legebiltzarraren Mahaian aurrera atera ahal izateko.

"Diputatuen Kongresuan berariaz azaltzen den egoera da eta ondo araututa dago. Gure asmoa zera da: talde guztiek bere ahotsa izan dezaten eta lanari ahalik eta ondoen ekin diezaioten" esan du.

Buruzagi jeltzaleak azaldu duenez "araudiaren arabera taldeak bost legebiltzarkiderekin era daitezke eta egoera horretan manten daitezke erdia galtzen ez badute, hau da, hirurekin geratzen badira".