Txostenaren arabera "Eusko Legebiltzarrean dauden DCN instalazio guztiak frogatu dira eta ez da inolako irregulartasun edo arazorik aurkitu".

Gainera, txostenak otsailaren hiruan Novalesen eserlekutik lau bozketa burutu zirela "eta hauek zuzenak izan zirela" adierazten du. Hori dela eta, "amaierako zenbaketan Novalesen bozketa agertu ez izana parlamentari sozialistaren akatsaren erruz izan zela" baieztatu du txostenak.

Dokumentu honek amaieran zera adierazten du "sistema eta ditugun datuak behin aztertu ondoren ez da akats teknikoaren hipotesia baieztatzen. Legebiltzarreko eserlekuetan kokaturik dauden DCN sistemak ez dute inolako akatsik izan".