Euzko Alderdi Jeltzaleak aurkeztutako hirukotea izan zen Legebiltzarrean boto gehien jaso zuen taldea eta Botere Judizialaren Kontseilu Nagusira bidaliko da bozketa hau. Bertan, Epaitegi Gorenean dagoen  eserleku hutsa beteko da.

Bozketa gaur goizean egin da Legebiltzarrean  eta EAJren hautagai-zerrenda izan da babesik handiena  lortu duena. Isasmendik 36, Subinasek 35 eta Sanzek 30 babes lortu dituzte.

Hirualdeko ituna osatzen duten alderdiak ados jarri ziren EAJko hiru hautagaiak hautatuak izan zitezen. Honela, hiruretako batek Epaitegi Gorenaren magistratu lanbidea lortzea segurtatzen du.

Boto bat gutxiagorekin, 29 babesekin hain zuzen ere, PPren laguntza jaso duen, PSE-EEko hautagaia den Francisco Garaicoechea gelditu zen. Bestalde, Juan Manuel Barandiaran, EAren laguntzaz, 7 babes jaso zituen eta Ezker batuak proposatutako Gemma Calvet –  drogamenpekotasun  arloko zuzendari ohia – babesik gabe gelditu zen.