EAJ-PNVren talde parlamentarioko bozeramaile eta burukide den Joseba Díez Antxustegik baloratu du Imanol Pradalesen urte amaierako diskurtsoa, azpimarratuz “herritarren benetako arazoetan zentratutako hitzartzea” izan dela, eta oposizioak Madrildik Euskadira ekarri nahi duen liskar politikotik urrun egon dela.

Araiatik (Asparrena, Araba), Díez Antxustegik adierazi duenez, "Pradales Lehendakariak 2025 urtea itxi egin du Herri honetako jendea benetan kezkatzen duenari buruz hitz eginez: etxebizitza, segurtasuna, enplegua, osasuna... Oposizioak Madrilgo zarata Euskadira ekarri nahi duen bitartean, hemen benetako arazoetan zentratzen den lehendakari bat dago", nabarmendu du Diez Antxustegik.

Bozeramaile jeltzaleak, gainera, Lehendakariak Euskadin bizi diren migratzaileei zuzendutako mezua nabarmendu du. "EAJ-PNVtik ere nabarmendu nahi dugu migratzaileei emandako mezua: mezu argia, abegikorra eta zorrotza, eskubide eta betebeharretan eta bizikidetzan oinarritua. Hori da defendatzen eta nahi dugun Euskadi ", adierazi du.

Era berean, Diez Antxustegik azpimarratu du Imanol Pradalesek euskara berriro defendatu duela "jasotzen dituen erasoen aurrean", Herriaren nortasunaren, kohesioaren eta bizikidetzaren funtsezko parte den hizkuntzarekin duen konpromisoa berretsiz.

"Krispazioaren aurrean, proiektua. Zarataren aurrean, Euskadi", amaitu du EAJ-PNVren talde parlamentarioaren bozeramaileak.