Pasa den otsailaren 28an, Polonian zela Ukrainako inbasioak eta gerrak eragindako ondorio latzen berri emateko, Poloniako zerbitzu sekretuek atxilotu zuten Pablo Gonzalez, atzerriko indar baten aldeko espioitza lanak egitea egotzita. Orduz geroztik behin-behinean atxiloturik dago Rzeszoweko espetxean, eta atzo bertan auzia aztertzen ari den epaitegi poloniarrak egoera bidegabe hori hiru hilabetez luzatzea erabaki zuen inolako azalpenik edo justifikaziorik eman gabe.