Legebiltzarkide jeltzaleak gogora ekarri duenez, B2 mailara arteko doakotasuna zabaltzeko lanean ari da Jaurlaritza eta berak defendatu duenez “euskarak masa kritiko handiagoa behar du eta horretarako funtsezkoa da helduen alfabetatzea”. “B2 maila bitartean doakotasuna lortzeko bidean aurrera egiten jarraituko dugu” azpimarratu du, eta gogorarazi nahi izan du, aurten, gainera, “euskara ikasten ari direnen ahalegina saritzeko, 1.250.000 euro bideratuko dituela gobernuak”.

“Zer dela eta aurkeztu du EH Bilduk proposamen hau gobernuak bere asmoen berri eman eta gero ¿” galderari erantzun dio esateko “EHBilduk betiko estrategiari eutsi dio, ‘dena’ ala ‘batez’; Gobernuak azaldutako asmoen ondoren, PNV baino bat gehiago beti.”