Legebiltzarrak erahilketa basati horiek gaitzesten ditu, baita emakumeen eta beren familia-inguruaren aurkako indarkeriaren agerpen guztiak ere. Uste dugu indarkeria matxista dela emakumeen eta gizonen arteko ezberdintasunen agerpenik larriena eta ezberdintasunok sorburu dutela botere-harremanetan eta emakumeak menderatzeko harremanetan.

Legebiltzarrak herritarrei dei egiten die, har ditzatela konpromiso pertsonal eta kolektiboak emakumeen eta gizonen berdintasunaren alde. Era berean, erakundeona da-eta hura erauzteko erantzukizuna, erakundeei eskatzen die plan integralak gara ditzagun, emakumeen aurkako indarkeria behin betiko desagerrarazteko behar diren baliabideez hornituak. Halako moldez, non ez den emakumeen aurkako indarkeria matxistako beste egintzarik izango eta, are gutxiago, bi pertsonen bizitza eraman duena bezalako erailketa.