Gorka Álvarezek hartuko du Gotzone Sagarduik Eusko Legebiltzarretik irten denean utzitako akta. Hala erabaki zuen Euzkadi Buru Batzarrak iragan astelehenean, apirilak 3, egin zuen ohiko bileran. Sagardui legebiltzarretik irtengo da datorren asteartean Gasteizko Ganberan aurrekontuak eztabaidatzeko egingo den osoko bilkura amaitutakoan.

Gorka Álvarez Kultura, Euskara eta Kirol zinegotzia da Sestaoko Udalean eta lan biak uztartuko ditu. Álvarezek (Sestaon 1988an jaioa) Politika eta Administrazio Zientziak ikasi zituen EHU-UPVn eta Analisi Politikoan espezializatu zen; masterra ere egin zuen Komunikazio Korporatiboan. EAJ-PNVren alderdikide egin zen hamazortzi urte bete zituenean eta bere jaioterriko zinegotzia da 2015eko maiatzetik hona.