“Pertsonalki telefonoz egin nuen, baina publiko egin nahi dugu. Izan ere, uste dugu hori dela Herri honetan bizikidetza normalizatua eraikitzeko dauzkagun erronketako bat”, esan du.

Gainera, Iturratek adierazi du horrelako jarrerek besteen iritziekiko intolerantzia eta errespetu falta erakusten dutela, eta gorrototik ia gertu dauden jarrerak islatzen dituztela, erabat alboratu beharrekoak. “Alderdi bezala konprometituta gaude eta bide horretan oso gertu gaude Landerrekin eta bere taldearekin, Elkarrekin-Podemosekin. Gure babesa eta elkartasun osoa erakusten diogu”, amaitu du Iturratek.