Eusko Jaurlaritzako sailburu izendatu berriek, Estefania Beltran de Herediak, Arantxa Tapiak eta Josu Erkorekak, Euskal Ganberako Erregistroan Eusko Legebiltzarreko kide izateari uzteko aktak formalizatu dituzte. Segurtasuneko, Garapen Ekonomiko eta Azpiegituretako eta Gobernantza Publiko eta Autogobernuko arduradunek legebiltzarkide-izaera hartu zuten eta utzi egin dute. Ondorioz, beren eserlekuak hartuko dituzte EAJ-PNVk hauteskunde autonomikoetan aurkeztutako zerrendetako hurrengoek, Bizkaian salbu, non Aitziber Irigorasek aktari uko egin dion Durangoko alkatetzan jarraitze aldera. Legebiltzarkide berriak izango dira Estibalitz Larrauri (Araba), Maialen Gurrutxaga (Gipuzkoa) eta Begoña Otalora (Bizkaia). Abenduaren 15ean, ostegunarekin, izango den osoko bilkuran hartuko dituzte euren aulkiak.