Astearte honetan egin dute Eusko Legebiltzarreko Mahaiaren lehenengo bilera, iragan ostiralean eratze bilkura izan zenetik. Bakartxo Tejeria eta Iñigo Iturrate –Legebiltzarreko presidentea eta lehen idazkaria, hurrenez hurren- dira Mahaiaren ordezkari jeltzaleak. Bileran jakinarazi dutenez, Euzko Abertzaleak-Nacionalistas Vascos legebiltzar taldea eratu da ofizialki; eta, halaber, Joseba Egibar beste behin ere bozeramailea izango da.

Datorren ostegunean XI. Legegintzaldiaren lehenengo ohiko bilkura izango da behin behineko bateraezintasuneko batzordea hautatzeko eta 75 legebiltzarkideen espedienteak gainbegiratzeko.