EAJ-PNVko legebiltzarkideek, Bakartxo Tejeria Eusko Legebiltzarreko presidentearekin batera, bost minutuko isilunea egin dute Bamakoko biktimei solidaritatea agertzeko. Kontzentrazioa Legebiltzarraren kanpoaldean izan da, biktimak oroitzeko eskulturaren ondoan, hain zuzen ere.

Ordezkari jeltzaleek gogor gaitzetsi dituzte Maliren hiriburuan izan diren atentatuak; eta, halaber, gizarteari eskatu diote basakeri guztiak errefusatzea “basakeri horren jatorria edozein izanda kontuan hartuta”.