Eusko Legebiltzarrak Enrique Casasen eta Fernando Buesaren oroimenez omenaldia egin du Kontrolerako Bilkura baino lehen, Gauerdiko Iparrorratza eskulturaren aurrean, Legebiltzarreko egoitzaren kanpoaldean.

Iñigo Urkullu lehendakaria; Bakartxo Tejeria Legebiltzarreko presidentea; Legebiltzarreko Mahaiaren kideak, horien artean, Iñigo Iturrate jeltzalea; Joseba Egibar EAJko Legebiltzar Taldearen bozeramailea; eta alderdi guztien legebiltzarkideak izan dira elkarretaratze isil batean, bitartean suontzia piztuta zegoela.

Legebiltzarreko Mahaiak, Bozeramaileen Batzordeari entzun ondoren, iragan arteartean erabaki zuen urte guztietan omenezko eta oroimenezko ekitaldiak egitea eraildako lau euskal legebiltzakideren omenez, hartarako baliatuz erailketaren hurbileko egunetan deitzen den osoko bilkura.