Maria Eugenia Arrizabalaga EAJko legebiltzarkideak eta GBBko bozeramaileak adierazi duenez, “Cabacas auzia benetan larria eta tristea izan da, eta erantzukizun penal eta politikoak argitu egin behar dira. Epaileak pertsonak eta ekintzak identifikatzen ari direla kontutan hartuta".

"Legebiltzarrean ikerketa batzordean eratzeak nahasmena sortu eta manipulaziorako bakarrik balioko luke. EAJ biolentzia aintzakotzat zuten estrategia politikoen erdian kokatu nahi du EH Bilduk, bere estrategia politiko militarrarekin parekatzeko asmoarekin”, azaldu du Maria Eugenia Arrizabalagak.

EAJko legebiltzarkideak salatu duenez, “ezker abertzaleak biolentziaren erabilpen ez legitimoa zintzilikatu nahi dio EAJri Cabacas auziaren bidez, eta hori ez da, inondik inora, kasua argitzeko bidea".