Iñigo Iturrate EAJko legebiltzarkideak adierazi duenez, Euzko Abertzaleak legebiltzar taldeak ez du Jorge Aldekoa Ertzaintzaren buru berriaren eta Estefania Beltran de Heredia Segurtasun sailburuaren agerraldiak onartuko Eusko Legebiltzarrean Cabacas auziaren inguruan hitz egiteko; izan ere, “hori eskatzen duena Ertzaintzaren eta Aldekoaren beraren aurkako estrategia egiten ari delako”,

Legebiltzarkide jeltzaleak eta Legebiltzarreko Bigarren Idazkariak EAJren konpromiso sendoa agertu du gertaerak argitzeko, “baina ez dugu Ertzaintzaren eta Jaurlaritzaren kontrako estrategia onartuko, edo hainbat urtetako beste estrategia politiko bat justifikatzeko”, esan du Iturratek ezker abertzaleari aipamena eginez.

Eusko Legebiltzarreko Erakunde batzordeak, azkenik, astelehen honetan baztertu du EH Bilduren ekimena Jorge Aldekoak eta Estefania Beltran de Herediak agerraldia egin zezaten.