Legebiltzarrak Eusko Jaurlaritzari eskatu dio legediaren eremuaren baitan, urratsak ematen segi dezala hizkuntza eskubideak bermatzeko, bereziki, herri-administrazio zerbitzuetan eta merkataritza alorrean.

Era berean, Legebiltzarrak eskatu dio Lakuako gobernuari Elebide –Hizkuntza Eskubideak Bermatzeko Zerbitzua- eta hizkuntza eskubideak zaintzen diharduten bestelako erakundeak sendotzen jarrai dezala hizkuntza eskubide guztiak betearazteko. 

Garbiñe Mendizabal EAJko legebiltzarkideak azaldu duenez, euskaldunen hizkuntza eskubideen begirunearen alde egiteak ez du esan nahi "gaztelaniadunen eskubideen kontra egitea" dela.

Mendizabalen esanetan, eremu honetan gizarteak eta Euskadiko botere publikoek ez dute atzera egin, baizik eta aurrera egin dute, "nahiz eta oraindik asko da egiteko".