Zentzu horretan azpimarratu duenez Lehendakariak -Bruselan dago orain- "datuak omen ditu defizitaren helburua malgutu ahal dela esaten dutenak, eta horrek Euskal Autonomia Erkidegoan sarrera handiagoak egotea suposatuko luke".

"Gure ustetan albiste ona da, sarrera horiekin neurriak hartu ahalko dira, planak eta ekimenak martxan jarri ahalko dira krisitik irten ahal izateko -hori baita Gobernuaren helburua-, euskal babes sozial eredua laguntzeko eta Gobernua martxan jartzen ari den beste neurriak abian jartzeko" azpimarratu du.

"Lehendakariak EAJ-PNVren eta Legebiltzar Taldearen babesa izango du. Urkullu Lehendakariaren eta Gobernuaren ondoan egongo gara aurrerantzean egin nahiko duten bide orria laguntzeko" azaldu du. 

Aurrekontu egitasmoa erretiratzeko aukeraz esan du legebiltzar taldea Lehendakariaren erabakiaren zain dagoela. "Haiek markatutako bide orria babestuko dugu" gaineratu du .