Aburtok gogoratu duenez, Eusko Jaurlaritzak 1200 milioi euro gutxiago izango ditu urte honetarako aurrekontuak egiteko. Dena dela, konfiantza agertu nahi izan du politika sozialak eta enplegua euskal aurrekontuetako "lehentasuna" izango direlako. "Euskadin ba al dago erakunderik murrizketarik egin beharko ez duena? Ez dut bat ere ezagutzen" azpimarratu du.

Enplegu eta Gizarte Politiken arduradun nagusiak elkarrizketa soziala egituratzeko apustua adierazi du "besterik ezean, gutxieneko akordioak lortzeko" eta "krisiaren eraginak" arintzeko. Iragarri duenez "ezinbestekoa" da akordiotara iristea, oraingo egoera honetan "Euskadiko langileen eskubide asko pikutara joatekotan daudelako"