Estefania Beltran de Heredia Segurtasuneko sailburuak Espainiako Gobernuari irmotasunez eskatuko dio Estatuko Segurtasuneko Indarrak Euskaditik ken ditzala, behin ETAk bere jarduera utzita, "abagune egokia" delako.

Jaurlaritzako sailburuak bere sailaren jarduera-ildo nagusiak azaldu ditu Legebiltzarreko Segurtasun eta Justizia batzordean.

Beltran de Herediak adierazi duenez, bere sailaren izen-aldaketak -Segurtasun saila Barne sailaren ordez-, agerian uzten du  politika publikoaren eta Euskadin segurtasuneko zerbitzuak eratzeko helburua; “antza denez, ETA orria pasatzeko zorian dagoela ematen duenean”.

Hori dela eta, Ertzaintza osatu zen izpirituarekin gidatzeko asmoa defendatu du, eta, horrela, “sorrerako bere gizartearekiko gertutasuna berreskuratu behar du, erronka berrien aurretik eraginkortasuna hobetzeko”.