Gasteizen, Ibiltariaren eskultura ondoan ospatu den ekitaldian, Iñigo Urkulluk zera azaldu du “EAJ-PNVren hautagaiok aurrerako urratsa eman dugu. Pertsona konprometituak gara. Konpromiso pertsonala hartu dugu zintzotasunarekin. Gure konpromisoa Euskadi da, Euskadiren interesen defentsa. Konpromiso hau lur honetan sustraituta dago, idatzita dago, eta gure hitza eman dugu. Egitasmoa badugu eta gauzatzeko ilusioa ere bai” azpimarratu du buru jeltzaleak .

Iñigo Urkulluk hitz bereziak eskaini dizkie gazteei. “ Gure lehen konpromisoa da gazte enplegurako plana martxan jartzea”. “Premiazkoa da” baieztatu du. “ Eskuan izango ditugun bitarteko guztiak erabiliko ditugu enplegurako prestakuntzan, praktika kontratuak  eta prestakuntza kontratuak aktibatzeko, autoenplegua sustatzeko,nazioartekotze bekak eskaintzeko eta Lanbide erakundea dinamizatzeko”. “20.000 gazteri zuzendutako ekimenak bultzatuko ditugu”.  

Urkulluk EAJ-PNVk  “ talentua eta ekimena sustatzera begira, gazte enplegua eta gazte ekintzailetza ahalbidetzeko “ egingo duen apustu irmoa azaldu du . “Gazte prestatuek beren lehen aukera Euskadin  izatea eskatzen digute. Gure lehen konpromisoa da. Euskadiko gazteriak lehen lan aukera Euskadin bertan izatea nahi dugu. Hauxe da Euzko Alderdi Jeltzalearen “Euskadi Konpromisoa” baieztatu du.