Eusko Legebiltzarreko Euzko Abertzaleak taldeak uztailan ponentzia eta batzordeetan zuzendutako lege egitasmo eta proposamenetan aurrera egin ahal izatea eskatuko du. Jeltzaleen ustetan “zentzugabea” da PSE-EE taldeak uztaila zuzenketak aurkezteko ezartzea, ekimen legegileen inguruan egiten den lanarekin jarraitzeko jarri gabe.

Ricardo Gatzagaetxebarria legebiltzarkide jeltzaleak baieztatu duenez, “hankarik eta bururik ez du zuzenketak aurkezteko epeek aurrera egitea eskatzea, uztaila ponentzia eta batzordeko lanetarako gaitzea eskatu gabe”.

Bere ustetan, PSEren helburu bakarra da “taldeok azken egitasmoen gaineko zuzenketak aurkeztea, ez du ponentzia eta batzordeetako dei edo lanik egiteko interesik”.