Eusko Legebiltzarrak baztertu egin du Erregeari eskatzea, 1937ko apirilaren 26an, Gernikako biktimei eragindako kaltea eta sufrimendua onar dezan. EAJ, Aralar, EA eta Ezker Anitza taldeek ekimenaren alde egin dute, baina PSE-EE, PP eta UPyD taldeek aurka bozkatu dute; eta proposamena baztertu dute boto batengatik.

Iñigo Iturrate EAJko legebiltzarkideak adierazi du Gernikako Bonbardaketaren biktimak oraindik pairatutako sufrimenduaren errekonozimenduaren zain daudela eta Erregeak oraindik ez duela pausu hori eman. “Ereduzko trantsizioa eta Erregearen lana defendatzen dutenen aurrean, ordua da prozesuan emandako akatsak onartzeko”; beraz,  zigorgabetasuna eta ahanztura baztertu ditu Iturratek.