PSE-EEk eta PPk atzera bota dute polizia kopurua murrizteko eskaera. Izan ere, Guardia Zibilak eta Espainiako Poliziak EAEn egindako 'lan handia' goraipatu dute sozialistek eta popularrek Legebiltzarrean. Bestalde, aro berrian Poliziaren egitekoa zalantzan jarri dute Aralar, EAJ, EA eta Ezker Anitza taldeek.

Mikel Martinez legebiltzarkide jeltzaleak argi utzi du euren proposamenaren helburua ez dela Guardia Zibilari 'alde egitea' galdegitea, "legediak ematen dituen eskumenen arabera gera daitezela" esatea baizik.

EAJkoaren ustez, Espainiako Gobernuak ezin izango dio luzaroan eutsi Poliziaren 'neurrigabeko' presentziari: "PPk ezin izango du justifikatu Euskadin 4.000 guardia zibil eta polizia ezer egin gabe egotea".