Egibarrek proposamen hori egin du Legebiltzarreko bilkuran, Patxi Lopez lehendakariak elkarbizitzarako eta bakegintzarako ekimenak aurkeztu ostean.

Gainera, legebiltzarkide jeltzaleak azaldu du, nahiz eta “beste eszenatoki batean” izan, beharrezkoa dela printzipio politikoa eta demokratikoa sakontzea. Horrela, “inolako proiektu politiko baketsua eta demokratikoki defendatzean, oztopatzeko aukera egon ez dadin, gutxieneko gehiengoak babesten badu”.

Egibarrek ere Ezker Abertzaleak izan du hizpide. Baina, berak azpimarratu duenez, antzinako Batasuna, Sorturen estatutuekin, ETAri ohartarazi zion “hau bukatu dela”, oraindik egiteko bidea badagoela esan badu ere.

Legebiltzarreko bozeramaile jeltzaleak adierazi du, bere terrorismoaren biktimen jarrerari buruzko hausnaketan, antzinako Batasunak “ez du esaten Euskadi ETAren biktima izan dela”; beraz, ezker abertzaleak arlo honetan emandako pausoak ‘hutsune handiak’ ditu.

Adostasunik gabe

Joseba Egibarrek adostasun ezari egotzi dio elkarbizitzarako eta bakeari buruzko ponentzia sortzeko erabakiaren atzerapena.

Legebiltzarkide jeltzaleak adierazi duenez, Legebiltzarreko taldeek horrelako eztabaidagune bat sortzeko erabakia atzeratu nahi izan dute denbora gehiago izan eta adostasun handiagoa lortzeko gai horren inguruan.
 
Egibarrek esan du atzerapen horrek adostasun hori emateko aukera ahalbidetuko duela, horrelako ponentzia bat egiturazko desadostasun batekin martxan ez jartzeko.