Aitortu egiten dugu emakume taldeek orain arte egin izan duten lan handia. Baina uste  dugu, osoko berdintasuna lortzeko asko egiteko dugula oraindik; eta, zentzu honetan, gazteei luzatu nahi diegu deialdi berezi hau. Beraien artean ezberdintasunaren manifestazioak  ez dira hain argi agertzen, eta itxurazko berdintasun egoera bizi dute.

Egoera honen aurrean, guk uste dugu berdintasuna emakume eta gizonen partehartzearekin eraikitzen dela, eta etxeko eta zaintza  lanetako ardurakidetasunaren alde gagoz..

Krisi ekonomikoa bizi dugun oraingo testuinguru honetan, adierazi behar dugu krisiak gogorren jo duela emakumeengan. Askotan emakume izate hutsagatik. Duela gutxi egin diren azterketek ondorioztatu dute Euskadiko gizonek bataz beste jasotzen dutela emakumeek baino 7.000 euro gehiago. Soldaten arteko diskriminazio honek ezberdintasuna elikatzen du, emakumeak eta gizonak hornitzaileak eta zaintzaileak izan daitezkeela erakusten duen erreferente berdintzailea hedatu beharrean. 

Horregatik guztiagatik, hiritargo osoa, emakume eta gizonak gonbidatu nahi ditugu, Udaletatik eta elkarteen aldetik Emakumeen Nazioarteko Eguna ospatzeko antolatuko diren ekimen eta ekitaldietan parte har dezaten.