Iñigo Iturrate Euzko Abertzaleak taldeko legebiltzarkideak eta Eusko Legebiltzarreko mahaiko bigarren lehendakari ordeak +Todos a una Voz+ elkarteak Giza Eskubideen eta Berdintasunaren aldeko Ibilbideari emandako lehen saria jaso du asteazken honetan Bilboko Carlton Hotelean. Elkarte honek gizarte bidezkoago eta berdintzaileagoa egiteko lana egin duten pertsonak eta gure erkidegoan egiten duten lanaren bidez ezagun egiten diren emakume eta gizonen ibilbide profesionala saritzen ditu.

+Todos a una Voz+ Elkarteak gizartearen bizikidetzan kultura arteko heziketa sortarazteko helburua duen elkarketa da. Erakunde hau, egoera, sinesmen,arraza, sexualitate eta kultura ezberdinen oinarrian, informazioa, sentsibilizazioa eta sakontasuna eskaini nahi duten hiritarrek osatzen dute. Era berean, errespetua eta aniztasun sozialaren aberastasuna aldarrikatu nahi dute.