Euzko Abertzaleak Legebiltzarreko Taldeak Isabel Celaa Hezkuntza sailburuaren agerraldia eskatu du Legebiltzarreko Hezkuntza, Unibertsitate eta Ikerketa Batzordean, Euskal Unibertsitate Sistemaren Kalitatea Ebaluatu eta Egiaztatzeko Agentziaren (Unibasq) egoeraren inguruko informazioa emateko.

EAJk beharrezkotzat jotzen du Celaa sailburuaren agerraldia, Batzordeari Agentzia horretan egondako aldaketei buruzko informazioa emateko; hain zuzen ere, administrazio-kontseiluaren eta adituen batzordearen osaeran aldaketak egon direlako. Horren harira, Estibaliz Hernaez legebiltzarkide jeltzaleak dokumentazio-eskea egin du Legebiltzarrean, Unibasqeko egungo administrazio-kontseiluaren eta adituen batzordearen osaera.

Horrez gain, EAJko legebiltzarkideak Unibasqeko administrazio-kontseiluaren bileren deialdien eta gai-zerrenden kopia eskatu du, landu beharreko puntuei lotutako zirriborroak, akordio-proposamenak edo txostenak barne, 2009ko ekainetik gaurko egunera arte; eta azkenik, denbora-epe berean zehar, onartutako akten eta jaulkitako txostenen kopia.