"Hori da argitzea eskatzen dieguna. Duela bizpahiru urte ere galdetu genien eta akordio hori ukatu zuten. Oraingoan ere ez dute argi utzi Legebiltzarrean duten akordioa udal eta aldundietara zabalduko ote duten. Egiten dutena egiten dutela, ez da onargarria euskal gizartearekiko gatazka planteamendu horrekin jokoan aritzeko nahia. PSE eta PP arteko akordioa ez da inola ere euskal gizartearentzako formularik egokiena” baieztatu du.
Adierazi duenez EAJ Araban Hamaikabat taldearekiko hauteskunde akordioa “ixtear” dago eta akordio hori “hurrengo orduetan” lor daitekeela gaineratu du.
Talde biek Gipuzkoan mantendu zituzten eta toki onera iritsi ez ziren negoziaketen inguruan, Urkulluk baieztatu du bere eskaintza “oso zabala” izan zela eta ez duela ”eztabaidetan” sartzeko asmorik. Maiatzeko hauteskundeen ostean ere Hamaikabatekin “elkarrekin lan egiteko ateak zabalik mantentzeko” gogoa adierazi du.