David Latxaga EAJ-PNVko legebiltzarkideak sinesgarritasunik eta zilegitasunik gabeko diskurtsoa egin izana leporatu die Elkarrekin Podemosi eta PPri. Izan ere, bi horiek ardura politikoak aztertzeko ikerketa batzordea sortzea proposatu dute, Eusko Jaurlaritzak 2003tik aurrera kudeaketa zuzeneko eskola jangeletako zerbitzuak emateko esleipen-prozesuen inguruan. “Benetan ere, kostako zait sinistea PPk eta Podemosek benetan ikertzeko asmoa dutenik, eta batzorde horretara behar beste jakinmin intelektualaz joango direnik”, esan du.

Ordezkari jeltzaleak adierazi du bi alderdiek epaile eta fiskal gisa elkar aukeratzen dutela, eta gainera, “inor entzun aurretik ere sententzia ematen dutela”.