Aberri Eguna 2018 - Jaia Iruditan

Prentsa Aretoa

2017/12/15

Iñigo Iturrate: “Euskal autogobernurako euskal bidea da prozesuaren arrakasta berma dezakeen bakarra”

Legebiltzarkide jeltzaleak berretsi du bere alderdiaren borondatea dela ahalik eta akordiorik zabalena eta transbertsalena lortzea, ahal izanez gero oraingo estatutuaren inguruko adostasunaz gaindituta

rss Ezagutzera eman
Iñigo Iturrate: “Euskal autogobernurako euskal bidea da prozesuaren arrakasta berma dezakeen bakarra”

ARGAZKIA JAITSI

  • Iturrate, aurrekontuen akordioari buruz
    2017/12/15

    ARTXIBOA JAITSI

  • Iturrate, Kataluniari buruz
    2017/12/15

    ARTXIBOA JAITSI

  • Iturrate, autogobernuari buruz
    2017/12/15

    ARTXIBOA JAITSI

“Euskadin autogobernu estatus berrirako bidean aurrera egiteko euskal bidea izango da prozesuaren arrakasta bermatuko duena”. Onda Vasca irratiari eskainitako elkarrizketan, EAJ-PNVko legebiltzarkide Iñigo Iturratek legez planteatutako eta adostutako erreferendumaren aldeko apustua aldarrikatu du, ezer baino lehenago Euskadiko indar politiko ezberdinen arteko akordioaren ondorio izan beharko duelarik. Iturratek era berean ohartarazi du Euskadin Kataluniaren kalkoa egin nahi duena erratuta ibiliko dela. “Euskal gizarteak guk gure bide propioa izatea onesten duela  eta Katalunian autogobernua izateko dagoen borondatea begi onez ikusten duela argi uzten diguten zantzu argiak daude. Baina, aldi berean, Euskadiko hiritargoak uste du bi errealitate ezberdin garela, gauza batzuk partekatzen ditugula baina autogobernua eguneratzeko eta hobetzeko eredu ezberdinak ditugula”. Hori dela eta, esan du, gure bideari eutsi behar diogu “prozesu honen arrakasta bermatzeko modu bakarra delako”.

Iturratek  bere taldeak ahalik eta akordiorik zabalena eta transbertsalena lortzeko duen borondatea berretsi du, ahal izanez gero, oraingo estatutuaren inguruan ematen den kontsentsua gaindituz. “Batzuetan gertatzen da epeak sakrifikatu behar direla ahal  den adostasun mailarik handiena lortzeko,  adostasun horrek ere behar baitu unean uneko testuinguruak eta inguruabarrek elkarrizketa hori erraztea”. Legebiltzarkide jeltzaleak aitortu du Kataluniako krisiak Estatuko eta Euskadiko bizitza politikoa nabarmen baldintzatzen ari dela “ Estatuko alderdiek eta Euskadiko batzuek begiak Katalunian dituztelako euskal gizartearen arazoei begiratu beharrean”.

AURREKONTUEI BURUZKO AKORDIOA

Iturratek baikor hartu du EAJ, PSE-EE eta PP alderdi sinatzaileek adosteko erakutsi duten borondatea, eta argitu duenez “gatazka eta kolaboraziorik eza bilatzen duten horiek nahiko luketen baino errazago gertatu da”. Era berean baieztatu du PPren babesak ez duela Eusko Jaurlaritzaren proiektua desitxuratu,lehendik ezarritako politika publikoak indartzeko balio izan duelako. Iturratek bai deitoratu du akordioa Vitoria-Gasteizko udalera eraman ezin izana “Javier Maroto obsesionatuta dago  Gorka Urtaran zigortzen jarraitzearekin,eta ez du gainditu alkatetza galdu izanak eragin dion dolua”.

Alderdi Eguna 2018
Jarrai ezazu Gurekin
Next Euskadi
Eusko Legebiltzarrerako 2016ko hauteskundeetarako EGITASMOA