Amaia Arregi EAJko legebiltzarkideak Javier Marotoren lotsagabekeria nabarmendu du; izan ere, PPko legebiltzarkideak Jaurlaritzari 50 euroko igoera eskatu dio pentsioen osagarrietan diru-sarrerak bermatzeko errentaren bidez, “PPk gobernatzen duen Espainiako hainbat autonomi erkidegotan diru-laguntzak lau euro baino gutxiagokoak direnean”.

“Administrazio publiko guztiek mekanismo eta tresna desberdinak garatu nehar dituzte giza bazterketa egoerak ekiditeko. Euskadin horretan la egin dugu, duela 25 urte baino gehiagotan; eta, beraz, gizarterako babes-sistema eredugarria daukagu”, defendatu du Arregik.

“Gaurko ekimenak indar eta zentsu guztia galtzen du Marotok berak defendatuta. Hitz hutsak, demagogia merkea, ez duzu sinesten eskatzen duzunean. Ez da EAJk esaten duelako, zure jarrerak eta alderdi popularraren jarrerak horrela demostratzen dute egunero aplikatzen dituzuen politikekin eta onartzen dituzuen legeekin agintean zaudeten erakunde guztietan”, adierazi du Amaia Arregik.